Зимни суҳбат вазъи кунунӣ ва дурнамои рушди ҳамкориҳои Вазорати таълими томактабӣ ва ширкати таълимии «EdulikGlobal»-и Куриё дар доираи лоиҳаи муштараки «S-board», ки ба рақамикунонии муассисаҳои таълимии томактабӣ нигаронида шудааст, баррасӣ гардид.
Дар заминаи вохӯрӣ хонум Чунгрим Хон қайд кард, ки то имрӯз ширкати "EdulikGlobal" дар ноҳияи Бектемири шаҳри Тошканд варианти ибтидоии барномаи "S-board"-и версияи 1.5-ро, ки ба шароити Ҷумҳурии Ӯзбекистон мутобиқ карда шудааст, озмоиш кард, ва то охири сол дар ҷараёни санҷиши барнома дар муассисаҳои таълимии томактабии шаҳри Тошканд варианти ниҳоии барномаи "S-board"-и версияи 2.0 таҳия карда мешавад, ки минбаъд дар тамоми муассисаҳои таълимии томактабии ҷумҳурӣ татбиқ карда мешавад.
Хонум Чунгрим Хон ҳамчунин таъкид кард, ки ширкати "EdulikGlobal" ҷонибдори ба роҳ мондани ҳамкориҳои мутақобилан судманд бо Вазорати таълими томактабӣ дар самтҳои мухталифи минбаъд ҷорӣ намудани ғояҳои нави инноватсионӣ, коркардҳо ва технологияҳои нав дар системаи таълими томактабӣ мебошад.
Аз ҷумла, президенти ширкат пешниҳод кард, ки платформаи интернетии омӯзиши забони англисӣ барои хидматчиёни давлатӣ аз ҷониби хонум Чунгрим Хон дар заминаи Вазорати таълими томактабӣ таҳия карда шавад.
Ба гуфтаи меҳмонон, дар солҳои охир Ӯзбекистон ба дастовардҳои назаррас дар соҳаи таълиму тарбияи томактабӣ ноил гардида, ислоҳоти густурдае, ки дар ҷумҳурӣ барои ноил шудан ба рушди дарозмуддати кишвар равона карда мешаванд, барои зоҳир намудани пешрафтҳои нав ва ҳалли инноватсионӣ дар системаи таълими томактабӣ замина фароҳам овардааст.
Бинобар ҷамъбасти музокирот ҷонибҳо дар бораи идома додани кори муштарак дар рушди раванди таълим дар Ҷумҳурии Ӯзбекистон ба мувофиқа расиданд, хабар медиҳад хидмати матбуоти Вазорати таълими томактабӣ.
