Дар рафти вохӯрӣ махсус таъкид гардид, ки дар доираи ҳамкориҳои чандинсола бо JICA низоми тайёр намудани кадрҳо бомуваффақият амалӣ мегардад, аз ҷумла таҳсили мутахассисони ӯзбек дар муассисаҳои таҳсилоти олии Ҷопон аз рӯи грантҳои давлатии JDS. То имрӯз садҳо мутахассисони ҷавон дар Ҷопон дараҷаҳои магистр ва докториро ба даст оварда, дар рушди кишвар саҳми назаррас мегузоранд.
Ҷонибҳо ҳамчунин ба масъалаҳои таҳкими минбаъда ва баланд бардоштани самаранокии ҳамкорӣ, инчунин раванди татбиқи лоиҳаи бузурги Advanced STEM Human Resources Development Project, ки ба тайёр намудани кадрҳои баландихтисос дар соҳаи муҳандисӣ ва технологияҳои пешрафта равона шудааст, диққати махсус доданд.
Дар ҷараёни муҳокима ҳадафҳо ва вазифаҳои лоиҳа мушаххас гардида, механизмҳои татбиқи амалии он баррасӣ шуданд.
Дар поёни мулоқот ҷонибҳо омодагии худро барои густариши минбаъдаи ҳамкории судманд, мубодилаи таҷрибаи пешқадам ва роҳандозии лоиҳаҳои нави муштарак дар соҳаи маориф ва илм изҳор намуданд.
