Ба иттилои хадамоти матбуоти Вазорати варзиши Ӯзбекистон, дар ин Универсиада зиёда аз 5100 варзишгари донишҷӯ барои 234 маҷмӯи медал дар 18 намуди варзиш рақобат карданд.
Ҳайати варзишии Ӯзбекистон дар 11 намуди варзиш — камонварӣ, гимнастикаи варзишӣ ва бадеӣ, варзиши сабук, ҷаҳиш ба об, дзюдо, қаиқронӣ, шиноварӣ, тенниси рӯи миз, таэквондо WT ва теннис иштирок намуд. Ба ҳайати даста 53 донишҷӯ, ки дар 18 донишгоҳи кишвар таҳсил мекунанд, дохил шуданд.
Тибқи натиҷаҳои мусобиқа, дастаи Ӯзбекистон 15 медал ба даст овард: 4 тилло, 4 нуқра ва 7 биринҷӣ. Ин нишондиҳанда ба Ӯзбекистон имкон дод, ки дар ҷадвали умумии медалҳо ҷои 13-ум ва дар байни кишварҳои Осиёи Марказӣ ҷои аввалро ишғол намояд.
