Дар вохӯрӣ оид ба нақшаҳои густариши минбаъдаи ҳамкориҳои амалӣ дар соли 2023, аз ҷумла дар ташкили таҷрибаомӯзии мутахассисони ӯзбекистонӣ дар Куриёи Ҷанубӣ табодули афкор сурат гирифт, хабар медиҳад АИ "Дунё".

Аз ҷумла, бо қаноатмандӣ қайд карда шуд, ки дар доираи лоиҳаи таҳияи консепсияи Академияи об дар Ӯзбекистон ва баланд бардоштани малакаи мутахассисони ин соҳа як гурӯҳ кормандони ҶС «Ӯзсувтъминот» ва омӯзгорони муассисаҳои таҳсилоти олии соҳавии кишвари мо рӯзҳои 5-18 январи соли ҷорӣ дар Академияи Кореяи Ҷанубӣ «K-Water», ки дар ҳамкорӣ бо Бонки ҷаҳонӣ ташкил карда шудааст, семинари омӯзишии дуҳафтаинаро бомуваффақият гузаштанд.

Дар рафти семинар ба иштирокчиён оид ба марҳалаҳои рушди системаи обтаъминкунӣ дар Кореяи Ҷанубӣ, самтҳои афзалиятноки сиёсати оби кишвар, инчунин сиёсати тарифӣ, самаранокии технологияҳои каммасраф дар таъмини об, иншоотҳо ва стандартҳои сифати об маълумоти муфассал дода мешаванд. Илова бар ин, тибқи барномаи семинари омӯзишӣ, баргузории дарсҳои амалӣ ва боздид аз як қатор муассисаҳои оби нӯшокӣ ва иншооти обтозакунӣ ва лабораторияҳо дар назар аст.

Кадрҳои соҳибихтисос, ки донишу малакаи замонавӣ доранд, қувваи асосии пешрафти ҳар як соҳа мебошанд. Аз ин лиҳоз, ҶММ «Ӯзсувтаъминот», ки айни замон дар марҳилаи дигаргунсозӣ қарор дорад, ба масъалаи тайёр кардан ва такмили ихтисоси кормандон, аз ҷумла шинос намудани онҳо бо таҷрибаи пешқадами кишварҳои пешрафта таваҷҷуҳи хоса зоҳир менамояд.