Дар яке аз ноҳияҳои вилояти Ҷиззах, сардори шӯъбаи Палатаи кадастри давлатӣ, бо дастгирии ҳокимияти ноҳия, 42 хол замини иҷорашударо, ки расман ба номи ҳамсараш сабт гардида буд, ғайриқонунӣ ба як харидор фурӯхт. Сипас, ӯ барои расмӣ кардани ҳуҷҷатҳои кадастр тавассути шиносҳояш дар мақомоти давлатӣ 28 ҳазор доллари ИМА талаб кард.
Дар натиҷаи амалиёти фаврӣ, ки аз ҷониби Хадамоти амнияти давлатӣ ва Департаменти нази Сарпрокуратура гузаронида шуд, ӯ ҳангоми гирифтани маблағ бо далелҳои шайъӣ дастгир гардид.
Дар ҳодисае, ки дар вилояти Сурхондарё содир шуд, як сокини ноҳияи Қумқӯрғон бо муҳандиси кадастри филиали Палатаи кадастри давлатӣ дар ноҳияи Ҷарқӯрғон ҳамдастӣ намуда, 40 хол заминро, ки дар захираи ҳокимияти ноҳия буду ғайриқонунӣ худӣ кардааст, ҷиҳати фурӯхтан аз шахси дигар барои замин 200 млн сӯм ва барои расмӣ кардани ҳуҷҷатҳо 4 млн сӯм талаб мекунад. Ҳангоми гирифтани маблағҳо ҳар ду дастгир шуданд.
Дар рафти амалиёти фаврӣ, ки таҳти ҳамкории Хадамоти амнияти давлатӣ, департаменти мубориза бар зидди ҷиноятҳои иқтисодӣ ва мақомоти корҳои дохилӣ гузаронида шуд, шаҳрванд ҳангоми гирифтани 200 миллион сӯм, муҳандиси кадастр вақти гирифтани 4 миллион сӯм дастгир шуданд.
Дар ноҳияи Бӯстонлиқи вилояти Тошканд, раиси як ҷамоати шаҳрвандони маҳалла барои расмӣ кардани 15 хол замине, ки дар ихтиёри худ дошт ва 1 гектару 35 хол замини давлатии шафати он бар ивази тавассути шиносҳояш ба номи дигар ба рӯйхат гирифтан 150 ҳазор доллари ИМА талаб мекунад. Ӯ ҳангоми гирифтани 50 ҳазор доллари пешпардохт аз ҷониби кормандони Хадамоти амнияти давлатӣ, департаменти мубориза бар зидди ҷиноятҳои иқтисодӣ ва мақомоти корҳои дохилӣ дастгир шуд.
Ҳоло нисбати ин шахсон парвандаҳои ҷиноятӣ боз гардида, корҳои тафтишотӣ идома дорад.
