Аз ҷумла, дар мулоқот бо муовини вазири иқтисод ва рушди устувори Гурҷистон Гурам Гурамишвилӣ масъалаҳои ташкили ҳамлу нақли пайвастаи молҳои содиротӣ ва воридотии Ӯзбекистон ба кишварҳои Аврупо ва Амрико тавассути бандарҳои Гурҷистон баррасӣ шуданд.

Инчунин ҷиҳатҳои арзон кардани арзиш ва муҳлатҳои кашондани бор, васеъ намудани имтиёзҳои тарифӣ баррасӣ шуданд.

Ҳамзамон ҷонибҳо оид ба истифодаи самараноки инфрасохтори бандарҳои Поти ва Батуми табодули афкор намуданд. Дар доираи самтҳои ҳамкории дар рафти мулоқот баррасишуда ҷонибҳо вазифаҳоеро муайян намуданд, ки дар оянда амалӣ мешаванд, хабар медиҳад хидмати матбуоти Вазорати нақлиёти Ҷумҳурии Ӯзбекистон.