Дар ин бора Хидмати матбуоти Вазорати нақлиёт хабар дод.
Дар хабар гуфта мешавад, ки бо мақсади таъмини пардохти саривақтии ҳаққи роҳ дар нақлиёти ҷамъиятии шаҳри Тошканд рейдҳои назоратии шадидтар гузаронида мешаванд. Ин тадбирҳо аз ҷониби Нозироти назорати нақлиёт ва кормандони Муассисаи давлатии мониторинг ва назорати фаъолияти нақлиёти мусофиркаш амалӣ мегарданд.
Дар 11 моҳи соли ҷорӣ роҳкироро напардохтани 19 632 мусофир ошкор шудааст. Ин рақамҳо зарурати таҳкими назорати мунтазам ва интизоми мусофиронро тақозо мекунанд, гуфта мешавад дар хабар.
Минбаъд кормандони Муассисаи давлатии мониторинг ва назорати фаъолияти нақлиёти мусофиркаши шаҳри Тошканд ҳуқуқ доранд нисбат ба ҳолатҳои пардохт накардани роҳкиро баённомаи ҷарима тартиб диҳанд. Ин имконият медиҳад, ки ба қонуншиканиҳо сари вақт чораҳои зарурӣ андешида шуда, риояи меъёрҳои қонунгузорӣ таъмин гардад.
