Дар шаҳри Гулистони вилояти Сирдарё нарколаборатория, ки дар хонаи шаҳрванде ташкил гардидааст, ошкор карда шуд. Ҳангоми амалиёт 4 кг 373 грамм моддаи синтетикии “Мефедрон”, тарозуи электронӣ ва таҷҳизоти иловагӣ ҳамчун далели шайъӣ мусодира гардид. Аз рӯйи ҳолат нисбат ба се нафар шаҳрванд бо моддаи 273, қисми 5 Кодекси ҷиноятӣ парвандаи ҷиноятӣ боз гардид.

Дар ноҳияи Учқӯрғони вилояти Намангон шаҳрванде, ки аз Қирғизистон ғайриқонунӣ ворид шуда буд, боздошт гардид ва аз сумкаи ӯ 9 кг 702 грамм “гашиш” ёфт шуд. Нисбат ба ӯ бо моддаҳои 223 ва 246 парвандаи ҷиноятӣ боз шудааст.

Ҳамчунин, дар ҷараёни амалиёти фаврӣ дар шаҳри Намангон беш аз 65 ҳазор адад доруҳои пуртаъсир ва контрафакт ба маблағи умумии 3,2 миллиард сӯм мусодира шуданд. Панҷ нафар шахсоне, ки бо қабул ва фурӯши ин доруҳо машғул буданд, боздошт гардиданд.

Аз рӯйи тамоми ҳолатҳо тафтишот идома дорад.