Тибқи маълумоти тафтишот, адвокат аз муштарии худ барои кӯмак дар интиқоли гумонбаршудае, ки дар боздоштгоҳи тафтишотии №8 ноҳияи Хавос қарор дошт, ба боздоштгоҳи муваққатии ноҳияи Сирдарё, инчунин барои таъсир расондан ба қабули қарори мусбат дар суд 5500 доллари ИМА талаб намудааст.
Дар натиҷаи чорабиниҳои фаврии кормандони Хадамоти амнияти давлатӣ ва прокуратура, адвокат ҳангоми гирифтани 4500 доллари ИМА ва 6 миллион сӯм дастгир гардид.
Гуфта мешавад, ки ин вакил барои расонидани кӯмаки ҳуқуқӣ ба гумонбаршуда аз ҳисоби давлат ҷалб шуда буд.
Айни замон нисбат ба дастгиршуда тибқи моддаи 168 қисми 3, банди «в» ва моддаи 28 қисми 1 ва моддаи 211 Кодекси ҷиноятии Ҷумҳурии Ӯзбекистон парвандаи ҷиноятӣ боз шудааст. Тафтишот идома дорад.
