Дар ин чорабинӣ намояндагони 32 кишвар иштирок карданд. Ҳайати Иттиҳоди Аврупоро еврокомиссарҳо Йозеф Сикела ва Марта Кос роҳбарӣ намуданд.
Муовини Сарвазири Ӯзбекистон Ҷамшед Хӯҷаев рушди пурсамари ҳамкориҳоро таъкид карда гуфт, ки дар ҳафт соли охир мубодилаи савдо байни ИА ва кишварҳои Осиёи Марказӣ чор баробар афзуда, ба €54 млрд расидааст. Иттиҳоди Аврупо то ҳол бузургтарин сармоягузори Ӯзбекистон мебошад.
Дар форум зикр шуд, ки низомҳои имтиёзнок дастрасии маҳсулоти минтақаро ба бозори Иттиҳоди Аврупо васеъ намуда, равандҳои муосиргардонии корхонаҳоро тезонида ва устувории иқтисодиро таҳким бахшиданд. Нақши муассисаҳои молиявии аврупоӣ низ назаррас аст: танҳо Бонки аврупоии бозсозӣ ва рушд (ЕБРР) дар соли 2024 ба кишварҳои Осиёи Марказӣ 2,26 млрд доллар равона кардааст, ки аз он 938 млн доллар ба Ӯзбекистон рост меояд.
Дар ҷаласаи «Enhancing connectivity» муовини вазири сармоягузорӣ, саноат ва савдо Акрам Алиев Ӯзбекистонро намояндагӣ кард. Ӯ афзалиятҳои асосӣ: рушди инфрасохтори нақлиётӣ ва логистикӣ, рақамисозии раванди амалҳо ва дастгирии бахши хусусиро муайян намуд.Мунозираҳои форум масоили беҳсозии муҳити сармоягузорӣ, рушди сармояи инсонӣ, ҳамгироии минтақавӣ ва ташаккули занҷираҳои устувори арзишро дар бар гирифтанд. Дар поёни чорабинӣ шаш ҳуҷҷати ҳамкорӣ дар соҳаҳои экология, обёрӣ, гео маълумот, танзимгарӣ ва як қатор самтҳои дигар ба имзо расид.
Ҳамкориҳои тахкимёфтаи Иттиҳоди Аврупо ва кишварҳои Осиёи Марказӣ барои Ӯзбекистон дурнамои иловагӣ фароҳам оварда, заминаро барои лоиҳаҳои дарозмуддат ва рушди устувори иқтисодӣ таъмин менамояд.
