Дар маросими ифтитоҳ роҳбарони Вазорати варзиш, Кумитаҳои миллии олимпӣ ва паралимпӣ, Оҷонсии миллии ҳифзи иҷтимоӣ ва Оҷонсии кор бо ҷавонон иштирок карданд.
Дар ҷараёни маросим, шахсони расмӣ махсус қайд карданд, ки бо ташаббуси Президенти кишвар барои машғул шудан бо варзиш барои тамоми қишрҳои аҳолӣ, бахусус барои шахсони имконияташон маҳдуд, шароити васеъ фароҳам оварда мешавад. Таъкид гардид, ки дар ин самт барои дастгирии ҳамаҷонибаи чунин шаҳрвандон корҳои бузург идома доранд.
Бар асоси нақша, «Паралимпиадаи панҷ ташаббус» 13 намуди варзишро дар бар мегирад. Ба ин мусобиқаҳо таваҷҷуҳ хеле баланд аст — то имрӯз ба Кумитаи тадорукотӣ 79 ҳазор дархост ворид гардидааст, ки 43 фоизи онҳоро занон ташкил медиҳанд.
