Лого Лого-пв-уз

    Гурӯҳи молиявии BNK Financial Group-и Куриёи Ҷанубӣ аз ворид шудан ба бозори Ӯзбекистон манфиатдор аст

    Сармояҳо 9 Iyun 2022 571

    Дар Вазорати сармоягузорӣ ва савдои хориҷӣ бо ҳайати Гурӯҳи молиявии BNK Financial Group таҳти роҳбарии узви Шӯрои директорони BNK Financial Group – директори иҷроияи BNK Capital Ли Ду-Хо мулоқот баргузор гардид.

    Дар рафти гуфтушунид масъалаҳои нақшаҳои сармоягузории ширкат дар робита ба ворид шудан ба бозори бонкӣ ва молиявии Ӯзбекистон ба таври муфассал баррасӣ шуданд. Ҷониби хориҷӣ дар бораи фаъолияти ширкат ва таҷрибаи байналмилалӣ маълумоти муфассал дод.

    Дар вохӯрӣ дар заминаи ҳавасмандии ҷонибҳо ба баррасии ҷиддии заминаи қонунгузории Ӯзбекистон, ки ҳимояи ҳуқуқҳои сармоягузорони хориҷӣ дар кишварро таъмин менамояд, таваҷҷуҳи махсус зоҳир гардид.

    Дар поёни музокирот ҷонибҳо ба мувофиқа расиданд, ки силсила мулоқотҳои нав баргузор кунанд, ки ҳадаф аз он кумак ба гурӯҳи молии Кореяи Ҷанубӣ дар заминаи муколамаи созанда бобати ворид шудан ба бозори Ӯзбекистон аст. Барои ин нақшаи муштараки ҳамкорӣ таҳия хоҳад шуд, хабар медиҳад хидмати матбуоти Вазорати сармоягузорӣ ва савдои хориҷии Ӯзбекистон.

    Барои маълумот: BNK Financial Group гурӯҳи молиявии Кореяи Ҷанубӣ мебошад, ки аз "Busan Bank", "Kyongnam Bank", "BNK Capital" ва дигар ширкатҳои молиявӣ иборат буда, дар соли 2011 дар шаҳри Пусан (Куриёи Ҷанубӣ) таъсис ёфтааст. BNK Financial Group дар Куриёи Ҷанубӣ 379 филиал ва 114 шуъба, инчунин дар хориҷи кишвар 28 филиал ва 3 намояндагӣ дорад. Дороиҳои BNK Financial Group беш аз 100 миллиард доллари амрикоиро ташкил медиҳанд.

     

    No date selected
    August 2022
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates