Kecha 30-iyun — Yoshlar kuni munosabati bilan Botanika bogʻida tashkil etilgan ikki kunlik “Oʻzbekiston yoshlari va talabalari forumi”ning birinchi kunida Oliy va oʻrta maxsus taʼlim vazirligi tomonidan “Tafakkur sinovlari” hududida “Bilimdonlar bellashuvi” intellektual oʻyini, “Mnemonika” bellashuvi, “Shaxmat”, “Mental arifmetika”, “Kubik-rubik” musobaqalari tashkil etildi.
Tadbirda Oliy va oʻrta maxsus taʼlim vaziri Abduqodir Toshqulov ham ishtirok etib, talaba-yoshlar bilan muloqot qildi. Vazir “Kubik-rubik” musobaqasi ishtirokchisi 11 yoshli Axmadjonga oʻzining esdalik sovgʻasini topshirib, uning orzusini roʻyobga chiqardi.
Tadbir soʻngida musobaqa gʻoliblari esdalik sovgʻalari bilan taqdirlandilar.
