Maʼlum qilinishicha, Oqtepa mahallasida yashovchi 33 yoshli shaxs mahalladagi 38, 32, 31, 20 va 19 yoshli ishsiz yigitlar bilan til biriktirib, Oltinsoy togʻ tizmalari hududida hech qanday ruxsatnomasiz oltin qazish ishlarini olib borgan.

Navoiy viloyati IIB Tezkor qidiruv xizmati xodimlari tomonidan oʻtkazilgan tezkor tadbirda guruh aʼzolari daliliy ashyolar bilan qoʻlga olingan.

Hozirda mazkur holat yuzasidan Jinoyat kodeksining 196 prim 2-moddasi 2-qismi bilan jinoyat ishi qoʻzgʻatilib, tergov harakatlari olib borilmoqda.

Qonunchilikka koʻra, bunday jinoyatni sodir etgan shaxslar yirik miqdorda jarima, majburiy jamoat ishlari, axloq tuzatish ishlari, ozodlikni cheklash yoki uch yilgacha ozodlikdan mahrum qilish bilan jazolanishi mumkin.