Hozirda 600 dan ortiq kishi, O'rmon xo'jaligi qo'mitasi, Favqulodda vaziyatlar vazirligi, hokimliklar va Mudofaa vazirligining 168 ta texnikasi, 6 ta vertolyot jalb qilingan.
Yong'in suv bilan o'chirilmoqda. Hozirda buning uchun 154 tonna suv sarflandi.
Favqulodda vaziyatlar vazirligi xabariga ko'ra, vazir Yuriy Ilin Shimoliy Qozog'iston viloyatiga ish safarini Abay viloyatida sodir bo'lgan yong'inni o'chirishda ishtirok etayotgan kuch va vositalarni muvofiqlashtirish zarurati tufayli to'xtatganini qayd etdi. Vazirning shaxsan o'zi Favqulodda vaziyatlar vazirligining Inqiroz holatlarini boshqarish markazidagi shtabga rahbarlik qiladi.
“Yuriy Ilin Olmaota, Jetisu va Qizilo'rda viloyatlaridan qo'shimcha kuch va vositalarni yuborishni buyurdi”, — deya izoh berdi vazirlik.
Shu o'rinda aytish joizki, tabiiy yong'inlarni o'chirish Favqulodda vaziyatlar vazirligining vazifalariga kirmaydi. Favqulodda vaziyatlar bo'limlarining qutqaruvchilari aholi punktlarida xizmat qilishlari shart, chunki shaharlarda yong'in sodir bo'lgan taqdirda ularning yo'qligi odamlarning qurbon bo'lishiga olib kelishi mumkin.
“Semey-Ormani” davlat o'rmon qo'riqxonasi 654179,8 gektar maydonda joylashgan. Bu yerdagi noyob o'rmonlar muhim himoya funksiyalarini bajaradi va alohida ekologik, ilmiy, madaniy va rekreatsion ahamiyatga ega. Qo'riqxona hududida yovvoyi hayvonlar va qushlar keng tarqalgan, deb xabar beradi tengrinews.kz.
