Tayinlovni vazirning birinchi oʻrinbosari Avazxon Tadjixanov poytaxtda oʻtkazgan kengaytirilgan avgust kengashi davomida oʻqib eshittirdi va lavozimga tayinlangan Mirmuxsin Gʻapurovni ushbu masʼuliyatli vazifa bilan muborakbod etib, kelgusi faoliyatida rivoj va ulkan zafarlar tiladi.
Mirmuxsin Gʻapurov tayinlovga qadar Oʻzbekiston davlat sanʼat va madaniyat institutining Fargʻona mintaqaviy filiali direktori lavozimida ishlab kelayotgan edi.
Maʼlumot oʻrnida, Mirmuxsin Gʻapurov uzoq yillardan buyon madaniyat va sanʼat sohasida faoliyat yuritib kelmoqda.
