Xabarga ko'ra, hodisaga qor tozalovchi mashinalar haydovchilari ham sabab bo'lgan, ular orqaga tomonga harakatlanayotib, odamlarni urib yuborgan va ularning o'limiga sabab bo'lgan. Arkanzas va Texasda bir necha nafar o'smirlar chanada uchayotganda halok bo'lishgan. Dam olish kunlari sovuq paytida Nyu-York ko'chalarida sakkiz kishining jasadi topildi, ularning o'limi holatlari tekshirilmoqda. AQSh bo'ylab harorat Selsiy bo'yicha -12,3 darajaga yetishi kutilmoqda.
Noqulay ob-havo ham keng ko'lamli elektr uzilishlariga sabab bo'lgani haqida xabar berildi. Agentlikning mahalliy hokimiyat ma'lumotlariga tayanib xabar berishicha, elektr uzatish tarmoqlarini tiklash uchun bir necha kun kerak bo'ladi. AP ma'lumotlariga ko'ra, shu hafta oxirida yana kuchli qor yog'ishi AQShning sharqiy qirg'og'ining ayrim qismlariga ta'sir qilishi mumkin.
NBC News avvalroq 23 shtatda favqulodda holat e'lon qilinganini xabar qilgan edi. Noqulay ob-havo haqida ogohlantirishlar 185 million AQSh aholisiga ta'sir ko'rsatdi, 1 milliondan ortiq mijozlar elektr va issiqliksiz qoldi. 25-yanvar kuni mamlakat bo'ylab 10 mingdan ortiq reyslar bekor qilindi, deb xabar berdi report.az.
