Xoʻsh, virusning qaysi shtammi keng tarqalmoqda? Asoratlar qanday boʻladi?
Shu kabi savollarga Sanitariya epidemiologik osoyishtalik va jamoat salomatligi xizmati boshligʻi oʻrinbosari Nurmat Otabekov javob berdi:
— Soʻnggi 1 hafta 10 kun ichida butun dunyo boʻylab virus avj olib bormoqda. Maʼlumotlarga koʻra asosan omikron shtammi tarqalmoqda,- dedi N.Otabekov.- Shuningdek omikrondan boshqa shtamm kasallik chaqirmayapti degan fikrlar ham bor.
Xuddi shunday, Oʻzbekiston sharoitida ham kasallik bir muncha koʻtarilgan. Soʻnggi 7 kunni oladigan boʻlsak sal kam 500 nafar bemorni shifoxonaga yotqizdik hamda 350 nafarga yaqin bemorni shifoxonadan chiqardik.
Uning qayd etishicha, Oʻzbekistonda ham asosan omikron shtammi keng tarqalmoqda. U yurtimizga kirib kelganida asosan yoshi kattalarda aniqlangan boʻlsa, endilikda qatlam tanlamayapti.
“Bizni bezovta qilayotgani shifoxonalarga ham oʻtkir respirator virusi ham koronavirusga chalingan bemorlar murojaat qilmoqda. Qachonki miks infeksiya - 2 ta yuqumli kasallik qoʻzgʻatuvchisi bir paytda organizmga yuqadigan boʻlsa, uning asoratlari ham jiddiyroq boʻlishi mumkin”, deydi Sanitariya epidemiologik osoyishtalik va jamoat salomatligi xizmati boshligʻi oʻrinbosari.