Kambagʻallikni qisqartirish va bandlik vazirligi tomonidan Oʻzbekiston Respublikasi Prezidentining “Yangi yil bayramini nishonlash davrida qoʻshimcha ishlanmaydigan kunni belgilash va dam olish kunini koʻchirish toʻgʻrisida” 2024-yil 24-dekabrdagi PQ-452-son qaroriga muvofiq, ishda foydalanish uchun 2025-yilga moʻljallangan ish vaqti meʼyorlari davomiyligining taqvimi ishlab chiqildi.

Bayram kunlari:

1-yanvar – Yangi yil.

8-mart – Xotin-qizlar kuni.

21-mart – Navroʻz bayrami.

31-mart – Roʻza hayit (Iyd al-Fitr).

9-may – Xotira va qadrlash kuni.

7-iyun – Qurbon hayit (Iyd al-Adha).

1-sentyabr – Mustaqillik kuni.

1-oktyabr – Oʻqituvchi va murabbiylar kuni.

8-dekabr – Konstitutsiya kuni.

Ish soatlarining meʼyori (ish vaqti) quyidagicha belgilanadi:

5 kunlik (40 soatli) ish haftasida:

• 8 soatli ish kuni va 7 soatli bayram oldi ish kunlari hisobga olinadi;

6 kunlik (40 soatli) ish haftasida:

• 7 soatli ish kuni va dam olishdan oldingi 5 soatli ish kuni shuningdek, bayram oldi kunlari 6 soatli (shanba kuniga toʻgʻri kelsa, 4 soatli) ish kuni hisobga olinadi;

36 soatli ish haftasida:

• 6 soatli ish kuni va 5 soatli bayram kunidan oldingi ish kunlari hisobga olinadi.

Roʻza hayit (Iyd al-Fitr) va Qurbon hayit (Iyd al-Adha) bayramlarining koʻrsatilgan kunlari bir kunga oʻzgarishi mumkin.