Uchrashuvda Tashqi ishlar vaziri Baxtiyor Saidov Turkmaniston Prezidenti Serdar Berdimuhamedovga Oʻzbekiston Respublikasi Prezidenti Shavkat Mirziyoyev Janobi Oliylarining eng samimiy salomlarini yetkazdi.
“Bugun Ashxobodda Turkmaniston Prezidenti Serdar Berdimuhamedov Janobi Oliylari tomonidan qabul qilinganimizdan mamnunmiz. Davlatlarimiz rahbarlari oʻrtasidagi mustahkam doʻstlik va oʻzaro ishonch Oʻzbekiston-Turkmaniston strategik sherikligini barcha sohalarda chuqurlashtirish, hamkorlik va farovonlikni yanada barqarorlashtirishda mustahkam tayanch boʻlib xizmat qilmoqda“, — deb yozadi TIV rahbari oʻzining Telegram kanalida.
