Transport vazirligi maʼlumotiga koʻra, ofisning maqsadi loyihani amalga oshirishni jadallashtirish boʻyicha qoʻshma chora-tadbirlarni muvofiqlashtirishdan iborat.
Bugungi kunga qadar “Qirgʻiziston temir yoʻli MK” davlat korxonasi va “Oʻzbekiston temir yoʻllari” AJ tomonidan “Xitoy – Qirgʻiziston – Oʻzbekiston” temir yoʻli qurilishi boʻyicha barcha zarur dastlabki chora-tadbirlar amalga oshirilmoqda.
Xitoy temir yoʻl qurilish korporatsiyasining Birinchi loyiha-qidiruv instituti loyihaning texnik-iqtisodiy asoslarini ishlab chiqish ustida ishlamoqda.
Eslatib oʻtamiz, 2022-yil 14-sentyabr kuni Oʻzbekiston Transport vazirligi, Qirgʻiziston Transport va kommunikatsiyalar vazirligi hamda Xitoy Taraqqiyot va islohotlar davlat qoʻmitasi oʻrtasida “Xitoy – Qirgʻiziston – Oʻzbekiston” temir yoʻli qurilishi loyihasi boʻyicha uch tomonlama anglashuv va hamkorlik memorandumi imzolangan edi.
