"Kabar" Qirg‘iz Milliy axborot agentligi xabariga ko‘ra, uchrashuvda tashqi ishlar, trasport va yo‘llar vazirliklari rahbarlari, shuningdek, “Qirg‘iz temir yo‘llari” kompaniyasining rahbarlari ishtirok etdi.
Uchrashuvda temir yo‘l loyihalarini amalga oshirish to‘g‘risida ma'lumot berildi, xususan, Xitoy, Qirg‘iziston va O‘zbekistonni bog‘laydigan temir yo‘l qurilishi loyihasi muhokama qilindi.
Qirg‘iziston rahbari uchrashuvning e'tiborini mamlakatning temir yo‘l infratuzilmasini modernizatsiya qilishni jadallashtirish zarurligiga va temir yo‘l transporti orqali yo‘lovchi va yuk tashish sohasida raqamli tashabbuslarni amaoga oshirishni davom ettirishga qaratdi, deb yozadi “Kabar”.
Mutaxassislar bir necha bor ta'kidladilarki, Xitoy-Qirg‘iziston-O‘zbekiston temir yo‘l liniyasi ishga tushgach, Xitoyni eng qisqa yo‘l bilan Yevropa va Yaqin Sharq mamlakatlari bilan bog‘laydi. Mavjud yo‘nalishlarga qaraganda masofa 900 kilometrga, yuklarni yetkazib berish muddati 7-8 kunga qisqartiriladi. Ushbu loyihaning istiqbollari allaqachon ochilgan Qashqar-Erkeshtam-O‘sh-Andijon–Toshkent avtomobil yo‘lagi orqali namoyish etilmoqda, bu Markaziy osiyodan avtomobil trasporti vositalarining Xitoyga tezroq kirishiga imkon berdi.
