“Soʻnggi besh yilda mamlakatimizning tashqi savdo aylanmasi 2 barobarga - 2016-yildagi 24 milliard dollardan 2021-yilda 42 milliard dollarga oshdi.
Bojxona tizimi mamlakatimizni jahon iqtisodiyotiga bogʻlaydigan koʻprik hisoblanadi.
Bu tizim toʻgʻri va ochiq-oshkora ishlamasa, tadbirkorlik, investitsiyaga toʻsiq boʻladi hamda aholining noroziligini keltirib chiqaradi.
Shuning uchun bu sohada 2019-yilda katta islohotlarni boshladik”, dedi Prezident yigʻilish avvalida.
Jumladan:
- bojxona postlarida “yashil yoʻlak”lar joriy etilib, hozirda ular orqali 95 foiz yoʻlovchi va 75 foiz yuk oʻtmoqda;
- avval 12 ta idoradan olingan 60 turdagi ruxsatnomalar “yagona darcha” orqali elektron shaklga oʻtkazildi;
- natijada bojxonada yuklarni rasmiylashtirish vaqti 10 barobargacha qisqardi.
