Umid Pazilxanov 1985-yilda Toshkent shahrida tugʻilgan, millati oʻzbek. Maʼlumoti oliy, 2007-yilda Toshkent moliya instituti bakalavriyati, 2009-yilda ushbu universitetning magistraturasini tamomlagan.

Mehnat faoliyatini 2008-yilda Toshkent viloyati Toshkent tumani hokimligi moliya boʻlimi byudjet boʻyicha 1-toifali iqtisodchisi sifatida boshlagan.

2009-2011 yy. Toshkent viloyati hokimligi moliya boshqarmasi xalq taʼlimi muassasalarini moliyalashtirish boʻlimining markazlashgan taʼminot hisobini yuritish sektori mutaxassisi, 2011-2013 yy. Toshkent viloyati hokimligi moliya boshqarmasi aholini ijtimoiy himoya qilish va ijtimoiy sohani moliyalashtirish boʻlimi boshligʻi oʻrinbosari, 2013-2014 yy. Oʻzbekiston Respublikasi Moliya vazirligi Mudofaa majmui, huquq-tartibot organlari va boshqa sohalarni moliyalashtirish boshqarmasi huquq-tartibot organlari va boshqa sohalarni moliyalashtirish boʻlimi yetakchi iqtisodchisi, 2014-2017 yy. Oʻzbekiston Respublikasi Moliya vazirligi Markaziy apparat Mudofaa majmui, huquq-tartibot organlari va boshqa sohalarni moliyalashtirish boqarmasi Huquq-tartibot organlari va boshqa sohalarni moliyalashtirish boʻlimi bosh iqtisodchisi sifatida faoliyat yuritgan.

Tayinlovga qadar, Oʻzbekiston Respublikasi Moliya vazirligi Birinchi boʻlimi boshligʻi boʻlgan.

Moliya vazirligi

Axborot xizmati