Veolia Energy Tashkent kompaniyasi mazkur tarqalayotgan notoʻgʻri maʼlumotlarga javoban berdi.
Qayd etilishicha, qoʻshnilarning qarzi tufayli kommunal xizmatlarning oʻchirilishi haqidagi xabar haqiqatga toʻgʻri kelmaydi.
"Biz kommunal xizmatlar sifatiga boʻlgan eʼtiboringizni yuqori baholaymiz, shunday ekan, issiqlikni barqaror hamda uzluksiz taʼminlash maqsadida barcha chora-tadbirlarni koʻrayotganimizga ishonch hosil qilishingiz mumkin.
Faqatgina Kompaniyamizning rasmiy manbalariga tayanishingizni va tasdiqlanmagan maʼlumotlarni tarqatishdan saqlanishingizni iltimos qilamiz.
Vaziyatni toʻgʻri tushunganingiz va hamkorligingiz uchun minnatdorchilik bildiramiz! Birgalikda shahrimizda qulay yashash shartlarini va yanada rivojlanish zarur sharoitlarini yaratamiz, — deyiladi kompaniya xabarnomasida.
