Lekin, Eksport agentligi tarmoq va hudud rahbarlari bilan birgalikda bu mablagʻlardan samarali foydalanishini taʼminlay olmayotgani koʻrsatib oʻtildi.
Masalan, eksport oldi moliyalashtirish uchun imtiyozli shartlarda ajratilgan har bir dollarga oʻrtacha 5 dollarlik eksport toʻgʻri kelayapti. Lekin, elektrotexnikada 2,5 dollar, qishloq xoʻjaligida va farmatsevtikada 3 dollarni tashkil qiladi.
Achinarlisi, ayrim korxonalarning eksport hajmi olingan kreditdan kam boʻlgan boʻlsa, baʼzilari kredit olib, umuman eksport qilmagan.
Shuningdek, oʻtgan yili xalqaro standart joriy qilish va sertifikat olish uchun 4,5 milliard soʻm mablagʻ berilgan 31 ta korxona eksport bilan shugʻullanmagan.
Eksport agentligi eksportchilarga haqiqiy koʻmakchi boʻlish oʻrniga davlatdan berilgan tayyor pulni yoʻnaltiradigan “buxgalter-kassir”ga aylanib qolgani tanqid qilindi.
