Qayd etilishicha, Ekologiya vazirligi va Ekologik nazorat inspeksiyasi tomonidan oʻtkazilgan nazorat tadbirida ijtimoiy tarmoqlarda fuqaro I.I. Sahro lochinini noqonuniy saqlab kelinayotganligi va sotuvga qoʻyilganligi aniqlandi.
Holat yuzasidan Fargʻona viloyati Ekologiya boshqarmasi, viloyat IIB va viloyat prokuraturasi tomonidan huquqbuzarlikka chek qoʻyish chora-tadbirlari olib borilib, huquqbuzar qoʻlga olindi.
Maʼlumot uchun, qushni tabiatdan noqonuniy ajratib olganlik uchun Vazirlar Mahkamasining 2014-yil 20-oktyabrdagi 290-sonli qarori 14-ilovasiga muvofiq BHMning 1500 barobari miqdorida (562 mln 500 ming soʻm)zarar qoʻllaniladi va zarar miqdori BHMning 300 barobaridan koʻpligi sababli ish jinoiy tartibda huquqni muhofaza qilish organlari tomonidan koʻrib chiqiladi.
