Bunday qaror 18-iyul, payshanba kuni Yevroparlament tomonidan qabul qilindi. Nemis siyosatchisining nomzodini 401 deputat qo'llab-quvvatladi, 284 nafari qarshi, 15 nafari betaraf qoldi.
Von der Leen Yevropa Ittifoqining mudofaa qobiliyatini sezilarli darajada kengaytirishga chaqirmoqda. “Keyingi besh yildagi ishimiz haqiqiy Yevropa mudofaa ittifoqini qurishga qaratilgan”, deyiladi uning Yevrokomissiya veb-saytida chop etilgan 31 sahifalik dasturida.
Bunda Yevropa Ittifoqi muvofiqlashtiruvchi rol o'ynaydi. Shu maqsadda u ilgari Yevrokomissiya tarkibida mavjud bo'lmagan mudofaa bo'yicha Yevropa komissari lavozimini joriy etishni taklif qilmoqda. Hujjatda aytilishicha, shartnomaga muvofiq yangi komissar “Yevropa Ittifoqining tashqi ishlar va xavfsizlik siyosati bo'yicha oliy vakili, Yevrokomissiya rahbari o'rinbosari bilan yaqindan hamkorlik qiladi”.
Shuningdek, Fon der Lyayen mudofaa va xavfsizlik sohasidagi qator loyihalarni ilgari surish niyatida. Xususan, uning dasturida umumevropa havo qalqonini qurish va kibermudofaa dasturini, Yevropa mudofaa jamg'armasi, mudofaa sektori mahsulotlari uchun haqiqiy umumevropa bozorini yaratish haqida so'z boradi. Biroq, uning so'zlariga ko'ra, NATO “jamoaviy mudofaaning asosiy ustuni” bo'lib qoladi, deb xabar beradi dw.com.
