Kunlar sovishi munosabati bilan Favqulodda vaziyatlar vazirligi isitish pechlaridan foydalanishda texnika va yongʻin xavfsizligi qoidalariga rioya qilishga chaqirdi.
Qayd etilishicha, aholidan quyidagi tavsiyalarga amal qilish kerakligi soʻraladi:
— isitish pechlari va ularning dudburonlari sozligiga, turli buyum va toʻsiqlar bilan berkitilmasligi hamda yoriqlar boʻlmasligiga alohida eʼtibor bering;
— gaz uskunalarini ulash tartib qoidalariga rioya qiling va ularga rezina shlanglar orqali ulanishga yoʻl qoʻymang.
— maxsus tashkilotlar tomonidan dudburonlarning oʻz vaqtida tozalanishiga eʼtibor qarating.
Havo haroratining keskin oʻzgarishi, kunlarning sovishi issiqlik taʼminoti — isitish jihozlariga boʻlgan ehtiyojni oshiradi. Zero, isitish manbalaridan notoʻgʻri foydalanish oqibatida is gazi bilan bogʻliq koʻngilsiz hodisalar, eng achinarlisi, favqulodda vaziyatlar yuzaga kelib, insonlar qurbon boʻlishi mumkin.
Shu yilning 19-oktyabr kuni Fargʻona viloyati, Toshloq tumani “Naymanboʻston” MFYda yashovchi fuqaroning boshqaruvida boʻlgan “Damas” rusumli transport vositasi ehtiyotsizlik oqibatida Fargʻona kanaliga tushib ketganligi haqida FVBga xabar tushdi.
