Nomidan ham ko'rinib turibdiki, bu asar payg'ambar alayhissalomning shaxsiy hayotlari, u kishining suvrat va siyratlari, ajoyib fazilatlari, odatlariga oid 408 hadisi sharifni o'z ichiga qamragan manbadir.
Muhammad alayhissalomning hayotiga doir muhim manba sifatida “Ash-shamoil an-nabaviya” azaldan islomshunos olimlar, tadqiqotchilarning diqqatini o'ziga tortib keladi.
Arab tilida yozilgan ushbu asarga bir qancha sharhlar ham yozilgan.
Asarning afzalligi shundaki, tili ravon, uslubi g'oyatda oddiydir.
Ma'lumot uchun: Termiziyning asarlari ichida eng mashhuri, shubhasiz, “Al-jomi'” bo'lib, oltita ishonchli hadislar to'plamlaridan biridir, deya rasmiy axborot kanali orqali Axborot va ommaviy kommunikatsiyalar agentligi Surxondaryo viloyati hududiy boshqarmasi xabar bermoqda.
