Suhbat chogʻida Liza Kyortis Oʻzbekistonga oldin ham kelganini va soʻnggi yillarda mamlakatda katta oʻzgarishlar yuz berganiga guvoh boʻlganini taʼkidladi. Oʻzbekistonda oʻtgan 5 yil davomida davlat va jamiyat qurilishi, ishbilarmonlik va investitsiya muhitini yaxshilash, Markaziy Osiyo mamlakatlari bilan doʻstlik va yaxshi qoʻshnichilik aloqalarini mustahkamlash borasida amalga oshirilayotgan izchil islohotlarga yuksak baho berildi. Bundan tashqari, Oʻzbekistonning xorijiy davlatlar bilan aloqalarni rivojlantirish borasidagi faol tashqi siyosiy faoliyati alohida taʼkidlab oʻtildi.
Liza Kyortis boʻlajak Prezident saylovida ovoz berish jarayoni ochiqlik va oshkoralik tamoyillari asosida tashkil etilishiga ishonch bildirdi.
Uchrashuvda tomonlarni qiziqtirgan boshqa masalalar ham muhokama qilindi, deb xabar beradi Oʻzbekiston Respublikasi Oliy Majlis Senati matbuot xizmati.