Ushbu tashabbus doirasida hududlarda ishsiz va uyushmagan yoshlarni kasb- hunar va tadbirkorlik koʻnikmalariga oʻqitish tashkil etish asosida 1 nafar tadbirkorga 1 nafardan ishsiz yoshni biriktirish orqali 2021-yilda kamida 500 ming nafar yoshni ish bilan taʼminlash vazifasi belgilab berildi.
Shu maqsadda, 2021-yildan boshlab hududlarda yoshlar tadbirkorligini qoʻllab-quvvatlash va ularni kasb-hunarga oʻqitishning yangi tizimi joriy etiladi.
Oʻzbekiston Respublikasi Prezidentining Oliy Majlisga murojaatnomasida belgilangan vazifalar ijrosini sifatli tashkil etish, “Har bir tadbirkor - yoshlarga madadkor” tamoyili asosida hududlarda yoshlar bilan ishlash tizimi samaradorligini oshirish, “yoshlar daftar”ga kiritilgan fuqarolarni tadbirkorlik koʻnikmalari va kasb-hunarga oʻqitish tizimini kengaytirish, shu orqali yoshlar bandligini taʼminlash maqsadida, shuningdek 2021-yilning “Yoshlarni qoʻllab-quvvatlash va aholi salomatligini mustahkamlash yili” deb eʼlon qilinganligi munosabati bilan Oʻzbekiston Respublikasi Prezidenti Administratsiyasida 2020-yil 30-dekabr kuni oʻtkazilgan yigʻilishning 11-son bayoniga asosan Yashnobod tumanidagi “Ishga marhamat” mono-markazida 2021-yil 8-yanvardan boshlab “Har bir tadbirkor – yoshlarga madadkor” tamoyili asosida «Yoshlar: 1+1” dasturi doirasida ishsiz va uyushmagan yoshlarni kasb-hunar va tadbirkorlikka oʻqitish boʻyicha oʻquv-kursi tashkil etildi.
2021-yil 8-yanvar kuni “Ishga marhamat” mono-markazida soat 09:00 dan boshlab yoshlar uchun oʻquv-kursi boshlandi va hozirda davom ettirilmoqda.
Ushbu oʻquv-kursida 20 nafar yoshlar ishtirok ishtirok etmoqda.
Bundan tashqari, Yashnobod tumani davlat soliq inspeksiyasi, Yashnobod tumani Savdo sanoat palatasi, tijorat banklar va Yashnobod tumani Davlat xizmatlari markazi vakillari ishtirok etishmoqda.