Buxoro IIB hodisa yuzasidan rasmiy maʼlumot berdi.
Holat, joriy yilning 23-mart kuni soat 20:10 larda Buxoro viloyati Buxoro tumani hududidan oʻtuvchi xalqaro ahamiyatga ega boʻlgan A-380 Buxoro halqa avtomobil yoʻlining 16-km.ga yetganda sodir boʻlgan.
Bunda Turkmaniston Respublikasi Ovri shahrida yashovchi, 1992-yilda tugʻilgan Dins Tanju ismli shaxs boshqaruvida boʻlgan “Mersedes-Bens" rusumli (33 ANG 869) yuk avtomashinasi harakatlanish vaqtida yoʻlni ajratib turuvchi beton toʻsiqqa urilishi natijasida yoʻl-transport hodisasi sodir boʻlgan.
Yoʻl-transport hodisasi yuk avtomashinasi haydovchisining uxlab qolishi natijasida yuz bergan.
Mazkur yoʻl-transport hodisasida hech kim tan jarohati olmagan, faqatgina transport vositasiga shikast yetgan.
Mazkur yoʻl-transport hodisasi yuzasidan Buxoro tumani IIB JXX YHXB xodimlari tomonidan surishtiruv harakatlari olib borilmoqda.