Tadbirda Markaziy Osiyo davlatlari, Ozarbayjon, Turkiya, Eron va Pokiston delegatsiyalari hamda IHT Kotibiyati ishtirok etyapti.
Yigʻilishni Oʻzbekiston Respublikasi Tashqi ishlar vazirining birinchi oʻrinbosari F.Sidiqov va tashkilot Bosh kotibi H.Noziriy ochib berdi. IHT Bosh kotibi mazkur uchrashuvni oʻtkazish boʻyicha olib borilgan tashkiliy va mazmunli ishlarni yuqori baholab, mintaqaviy hamkorlik yanada mustahkamlanishiga ishonch bildirdi.
Bugun kun davomida tadbir ishtirokchilari 24-yanvarda Toshkentda boʻlib oʻtadigan IHT Tashqi ishlar vazirlari kengashining 26-yigʻilishini amaliy darajada muvaffaqiyatli oʻtkazish uchun zarur tayyorgarlik ishlarini olib boradi, deb xabar beradi Tashqi ishlar vazirligi matbuot xizmati.
