Toshkent viloyati Ekologiya, atrof-muhitni muhofaza qilish va iqlim oʻzgarishi boshqarmasi tomonidan navbatdagi nazorat tadbiri oʻtkazildi.
Viloyati Ekologiya boshqarmasining xabar berishicha, oʻtkazilgan nazorat tadbirlarida Angren shahar, Sogʻlom MFY hududida fuqaro F.A. tomonidan yer ochib imorat qurish maqsadida 1 (bir) tup yongʻoq daraxtini tag qismidan kesib tashlagani aniqlandi.
Noqonuniy daraxt kesilishi natijasida oʻsimlik dunyosiga 119.700.000 soʻm miqdorida zarar yetkazilgani.
Hozirda mazkur holatga huquqiy baho berish uchun toʻplangan hujjatlar Toshkent viloyati prokuraturasiga yuborilgan.
Buvayda tumanidagi holat Fargʻona viloyati prokuraturasi tomonidan tegishli idoralar ishtirokida oʻrganildi. Jinoyat ishi tergovi shaxsan Bosh prokuror tomonidan nazoratga olindi.
Ijtimoiy tarmoqlarda Buvayda tumani Nayman qishlogʻidagi zovur atrofida daraxtlarning noqonuniy kesilgani, jarayon vaqtida tuman hokimi oʻrinbosari tomonidan Ekologiya qoʻmitasi inspektoriga qarshilik koʻrsatilgani aks etgan videotasvirlar tarqaldi.
Toshkent shahri Yakkasaroy tumani Nukus va Bobur koʻchalari kesishmasidan boshlab avtomobil yoʻli yoqasida yashnab turgan 174 tup daraxt va buta kesib yuborildi.
Ijtimoiy tarmoqlarda Chirchiq shahar Yumaloq MFYda joylashgan Chirchiq neft bazasida kesilgan koʻp yillik chinor daraxti ustiga tuproq tashlab qoʻyilgani haqida xabarlar tarqaldi. Ushbu holat boʻyicha Toshkent viloyati Ekologiya boshqarmasi inspektorlari tomonidan oʻrganish ishlari olib borildi.
