Shu munosabat bilan, Investitsiyalar va tashqi savdo vazirligi rahbariyati Yuridik boshqarma jamoasini erishilgan muvaffaqiyat bilan chin koʻngildan tabriklaydi.
Eslatib oʻtamiz, avval Adliya vazirligi tomonidan tanlovda qatnashish uchun ariza taqdim etgan respublika darajasidagi 147 ta davlat organlari va tashkilotlari yuridik xizmatlari orasidan 7 nafar finalchi nomi eʼlon qilingan edi.
Ushbu tanlov yuridik xizmatlarning tashkilotdagi oʻrnini koʻrsatish orqali respublikadagi boshqa tashkilotlarda professional yuristlar jamoasini yaratishga boʻlgan intilishlarni kuchaytirish maqsadida tashkil etilgan.
Unda yuridik xizmatlarning 2021-yil davomida tashkilotda belgilangan yoʻnalishlari boʻyicha olib borgan ishlari, xususan, demokratik va huquqiy islohotlarni amalga oshirish, milliy qonunchilikni takomillashtirish va xalqaro-huquqiy munosabatlardagi roli, erishgan yutuqlari Tanlov komissiyasi tomonidan baholangan, deb xabar beradi Investitsiyalar va tashqi savdo vazirligi matbuot xizmati.
