Prezidentning byudjet tashkilotlari xodimlarining ish haqi, pensiya, nafaqa va stipendiyalarni 10 foizga, yaʼni inflyatsiyadan past boʻlmagan darajaga oshirishga doir farmoni imzolandi.
Bosh vazir oʻrinbosari, Iqtisodiyot va moliya vaziri Jamshid Qoʻchqorov parlament Quyi palatasidagi chiqishida mazkur hujjat yaqin soatlarda eʼlon qilinishini maʼlum qildi.
Maʼlumot uchun, 2024-yil sentyabrda pensiya va nafaqalar 15 foizga, oktyabrda maoshlar 10–15 foizga oshirilgan edi.
O'zbekistonning 2026-2028-yillarga mo'ljallangan yangi fiskal strategiyasiga ko'ra, byudjet sohasi xodimlarining ish haqi, pensiya va ijtimoiy nafaqalarning yillik indeksatsiyasi inflyatsiya darajasidan yuqori bo'ladi.
2025-yilning yanvar iyun oylarida Oʻzbekiston boʻyicha oʻrtacha oylik nominal hisoblangan ish haqi 5 982,3 ming soʻmni tashkil etdi. Bu koʻrsatkich 2024-yilning shu davriga nisbatan 17,2 foizga oʻsdi.
Parlament quyi palatasining majlisida ish vaqtidan tashqari ish uchun haq toʻlash va uning davomiyligini soddalashtirishga qaratilgan qonun loyihasi ikkinchi oʻqishda koʻrib chiqildi.
