«Joriy yilda Markaziy bank tomonidan makrodarajagi ishlar qatori mikrodarajadagi ishlarni ham jonlantirish zarurligi belgilandi. Xususan, alohida mijozbay va mahallalarda ish tashkil qilishga eʼtibor qaratiladi.
2020-yilda dunyo moliya tizimida bizning yillik inflyatsiya darajamiz 11,1 foizni tashkil qilgan boʻlsa, oziq-ovqat mahsulotlari narxlari 15,3 foizga oshdi. Bu aholining maʼlum xarid qobiliyatiga va ularning inflyatsion kutilmalariga salbiy taʼsir koʻrsatdi.
2021-yilda Markaziy bankka makroiqtisodiy barqarorlikni taʼminlash vazifasi belgilandi, yaʼni inflyatsiyani 10 foizdan oshirmaslik va oziq-ovqat narxlari, xususan oziq-ovqat xavfsizligi boʻyicha choralarni koʻrish topshirildi.
Moliya bozorlarida raqobat rivojlantiriladi. 2021-yilda “Nobank tashkilotlar toʻgʻrisida”gi Qonun yangidan ishlab chiqiladi. Ularga koʻproq xizmat koʻrsatish huquqlari beriladi. Murojaatnomada aytib oʻtilgan “Islom moliyasi” tushunchasi ushbu qonunda koʻrib chiqiladi», dedi Bekzod Hamroyev.
