Maʼlumot uchun, “Janubiy Ustyurt“ milliy tabiat bogʻi 2020-yil 11-noyabrda Qoraqalpogʻiston Respublikasi Qoʻngʻirot tumanida tashkil etilgan. Hududda 149 turdagi hayvonlar yashaydi, shundan 36 turi Oʻzbekiston Respublikasi Qizil kitobiga kiritilgan.
Jumladan, ohular oilasiga mansub jayron Oʻzbekiston Qizil kitobi va IUCN Qizil roʻyxatiga zaif, kamayib borayotgan va mozaik tarqalgan kenja tur sifatida kiritilgan. Itsimonlar oilasiga mansub boʻri esa Oʻzbekistonning choʻl, dasht, oʻrmon, toʻqay, togʻ va togʻ oldi hududlarida keng tarqalgan.
