Ekologiya, atrof-muhitni muhofaza qilish va iqlim oʻzgarishi vazirligi tasarrufidagi “Saygachiy” majmua (landshaft) buyurtma qoʻriqxonasidagi fotoqopqonlarga boʻrsiqlar oilasi va chiyaboʻri muhrlandi.
Bu haqda Ekologiya, atrof-muhitni muhofaza qilish va iqlim oʻzgarishi vazirligi xabar berdi.
Maʼlumot uchun, “Saygachiy” 2016-yil 22-iyulda tashkil qilingan boʻlib, Qoraqalpogʻiston Respublikasining Qoʻngʻirot va Moʻynoq tumanlari hududida joylashgan. Qoʻriqxonada 60 turdagi hayvonlar bor, shulardan 20 turi Oʻzbekiston Qizil kitobiga kiritilgan. “Saygachiy”da Oʻrta Osiyo choʻl toshbaqasi, Turkman qoraqulogʻi, saygʻoq kabi hayvonlar koʻp uchraydi.
Adliya vazirligiga “Abbott Products Operations AG” kompaniyasi oʻziga tegishli “IMUDON” dori vositasining kontrafakt nusxasi sotilayotganligi toʻgʻrisida murojaat qildi.
Prokuratura organlari tomonidan tegishli organlar bilan hamkorlikda ekologiya, atrof-muhitni muhofaza qilish sohasida qonunlar ijrosi ustidan oʻrganish ishlari olib borilmoqda.
Ijtimoiy tarmoqlarda poytaxtimizdagi mashhur “Fast-Food”larning birida ovqatdan zaharlanish holatlari kuzatilgani boʻyicha xabarlar tarqalib, jamoatchilikning keskin muhokamalarga sabab boʻldi.
2024-yil 16-sentyabrda Togʻ-kon sanoati va geologiya vazirining birinchi oʻrinbosari O.Nasritdinxodjayev hamda AQSHning Oʻzbekistondagi favqulodda va muxtor elchisi Jonatan Henik foydali qazilmalar boʻyicha hamkorlikni mustahkamlash maqsadida muhim xomashyo sohasida (RM) oʻzaro anglashuv memorandumini imzoladilar.
MISIS Fan va texnologiyalar universitetining Olmaliq filiali negizida Ilgʻor muhandislik maktabi (IMM) tashkil etiladi. Boʻlajak talabalarni IMMga qabul qilish ham 2025/2026 oʻquv yilidan boshlab amalga oshiriladi.
