Oʻtgan mavsum Belarus chempionatida toʻp tepgan Yaxshiboyev Varshavaning “Legiya” klubi bilan shartnoma tuzdi. Bu haqda “Legiya” klubi matbuot xizmati xabar berdi.

Maʼlumot uchun, “Legiya” klubi 1916-yil mart oyida tashkil etilgan. Uy oʻyinlarini 31800 tomoshabinga moʻljallangan “Voyska Polskogo” stadionida oʻtkazib keladi. Ayni paytda jamoani mahalliy murabbiy Cheslav Mixnevich boshqarib bormoqda.

“Legiya” 14-marta mamlakat chempioni boʻlgan, 19-marta mamlakat kubogini qoʻlga kiritgan va 4 bor Polsha Superkubogida gʻolib boʻlgan.

Oʻtgan mavsum Polsha chempioni boʻlgan klub ayni paytda milliy chempionatda 16ta turdan soʻng 32 ochko bilan 2-oʻrinda bormoqda. Peshqadam “Pogon” klubida 34 ochko mavjud.

Bugungi kunda “Legiya” safida Artur Borus, Tomash Pekxart, Bartosh Kapustka kabi mashhur futbolchilar toʻp tepishmoqda.