Ularning aksariyati hozircha ijtimoiy tarmoqlarda bildirildi. Yanada aniqroq aytadigan boʻlsak takliflar Konstitutsiyamizning 13,15, 29, 37, 40, 41, 53, 78, 80-moddalari bilan bogʻliq. Xususan:
1. Insonning davlat organlari bilan oʻzaro munosabatlarida barcha qarama-qarshiliklar va noaniqliklar inson foydasiga talqin qilinishi;
2. Konstitutsiyaning oliy yuridik kuchga ega boʻlib, toʻgʻridan-toʻgʻri amal qilishi;
3. Har kimning axborot resurslari, kommunikatsiya texnologiyalari va internetdan erkin foydalanish huquqiga egaligi;
4. Davlatning aholining ijtimoiy ehtiyojmand qatlamlarini ishga joylashtirish boʻyicha qoʻshimcha kafolatlarni taʼminlash majburiyati;
5. Davlatning ishsizlik va kambagʻallikni tugatish uchun oʻzining barcha imkoniyatlaridan foydalanish majburiyati;
6. Har bir insonning sogʻlom va qulay atrof-muhitga, uning holati haqidagi haqqoniy axborotga ega boʻlish hamda oʻz sogʻligʻiga yoki mulkiga ekologik huquqbuzarlik tufayli yetkazilgan zararning oʻrni qoplanishi huquqiga egaligi;
7. Davlat xususiy tadbirkorlikni rivojlantirish uchun qulay ishbilarmonlik va investitsiyaviy muhit hamda sharoitlarni taʼminlashi, iqtisodiy faoliyatda insofsiz raqobatga, monopollashtirishga yoʻl qoʻyilmasligi va boshqalar shular jumlasidandir.
