Koronavirus infeksiyasi boʻyicha maʼlumotlar doimiy ravishda oʻzgarib tursada, bugungi kunda AQSH, Xitoy, Rossiya va Yevropa davlatlari maʼlumotlarga koʻra, dunyoda aniqlangan va tasdiqlanib kelayotgan koronavirus infeksiyasining shtammlari ichida birlamchi paydo boʻlgan koronavirusga nisbatan turli xil, yaʼni tezroq tarqaluvchi yoki ogʻirroq kechuvchi xussusiyatlarga ega boʻlgan shtammlari mavjudligi yoritilmoqda.

Oxirgi tadqiqotlar natijasida “afrikancha” shtamm eng xavfli deb tan olingan, chunki bu shtamm gumoral immunitetga qarshi tura oladi va unga qarshi davolashning taʼsiri pastroq. Bu shtamm bilan kasallanganlarda koronavirus infeksiyasi ogʻir va oʻta ogʻir darajada oʻtadi.

Lekin, shu oʻrinda taʼkidlab oʻtish joizki, bu shtamm birlamchi koronavirusga va britancha shtammga nisbatan sekin tarqaluvchandir. Shu xusussiyati bilan uni uchrashi kamroqdir.

Bu esa, oʻz oʻrnida kasallikni bu kabi shtammlaridan oʻzimizni himoyalashimiz va doimiy ravishda karantin qoidalariga rioya qilishimiz kerak, bunda doimiy niqoblarni taqish, ijtimoiy masofani saqlash va qoʻllarni antiseptiklar bilan ishlov berib turish kerakdir.