Qarag'anda viloyati Sog'liqni saqlash boshqarmasi boshlig'i Bibigul Tulegenovaning so'zlariga ko'ra, jami 28 kishi Qarag'anda, Abay va Shaxtinsk shaharlari shifoxonalarining qabul qilish va diagnostika bo'limlariga yotqizilgan, 24 nafar jabrlanganlar kasalxonaga yotqizilgan.
Qayd etilishicha, baxtsiz hodisada jabrlanganlar o'z vaqtida X. Makajanov nomidagi viloyat poliklinikasiga va boshqa tibbiyot muassasalariga yetkazilgan, tibbiy brigadalar zudlik bilan konchilarga tibbiy yordam ko'rsatishga kirishgan.
“Barcha bemorlar zarur diagnostika tekshiruvlari va manipulyatsiyalaridan o'tkazildi: laboratoriya tekshiruvlari, kompyuter tomografiyasi, ultratovush tekshiruvi, rentgenografiya; tibbiy yordam ko'rsatishga barcha ixtisoslashtirilgan xizmatlar (neyroxirurglar, travmatologlar, jarrohlar, terapevtlar, toksikologlar, reanimatologlar, psixologlar, funksional diagnostikachilar) jalb qilindi”, dedi Qarag'anda viloyati sog'liqni saqlash boshqarmasi boshlig'i B.Tulegenova.
Shuningdek, Travmatologiya va ortopediya ilmiy markazi, Neyroxirurgiya ilmiy markazi mutaxassislari tomonidan konsultatsiya o'tkazildi va barcha hududiy mutaxassislar jalb qilindi.
Qarag'anda viloyatidagi Kostenko konida portlash sodir bo'lgan edi. Oqibatda 36 kishi halok bo'ldi, deb xabar beradi tengrinews.kz.
