"Lochin" ta'mirlab berildi

Mamlakatimizda 8 okt 2021, 10:16 855

Qashqadaryo viloyati Muborak tumanida yashovchi X.Komiljon O'zbekiston Iste'molchilar huquqlarini ximoya qilish jamiyatlari federatsiyasi Buxoro viloyati hududiy birlashmasiga ishonch telefoni orqali murojaat qildi.

Fuqaroning ma'lum qilishicha, u shu yilning sentyabrida Buxoro viloyati Qorovulbozor tumanidagi “REALMOTO” MCHJdan 25 600 000 so'mga “Lochin” rusumli mototsiklni 1000 km harakatlanish kafolati bilan sotib olgan, ammo mototsikl` 449 km harakatlangandan so'ng buzilgan. Iste'molchining mototsiklni almashtirib berish haqida tadbirkorga qilgan murojaati e'tiborsiz qoldirilgan.

Murojaat Qorovulbozor tumani iste'molchilar huquqlarini himoya qilish jamiyati xodimlari tomonidan o'rganilib, “REALMOTO” MCHJ rahbari va ishchi-xodimlariga amaldagi qonun hujjatlari talablari yuzasidan tegishli tushuntirish ishlari olib borilgan. SHundan so'ng tadbirkor tomonidan nosoz mototsikl` to'liq ta'mirlab berildi.

R.SHOBOEV,

Qorovulbozor tumani iste'molchilar huquqlarini

himoya qilish jamiyati raisi