Mamlakatimizda soʻnggi yetti yilda qariyb 100 milliard dollarlik qurilish ishlari bajarilib, bu borada katta tajriba orttirilgani taʼkidlandi.
Lekin iqlim oʻzgarishi, energiya va tabiiy resurslar tobora tanqis boʻlayotgani, demografiya va ekologiya masalalari butun dunyoda qurilish industriyasida har kuni yangi yondashuv va yangi yechimlarni taqozo qilmoqda.
Masalan, hozirgi loyihalar faqat binoni oʻzini qurish bilan cheklanmasdan, avtoturargohi, yashil hududi, maktab-bogʻchasi, sport va xizmat obyektlari qanday boʻladi, degan savollarni ham kompleks qamrab olishi kerak.
Ayniqsa, bizni sharoitda tannarx, sifat va qurilish madaniyati eng dolzarb masala boʻlib qolmoqda.
