Qalin tuman tufayli yuzaga kelgan yomon koʻrinish (50 m) Namangan va Fargʻona xalqaro aeroportlarida samolyotlarni qabul qilish va chiqarishni toʻxtatdi.
Shunday qilib, Uzbekistan Airways HY9821(Namangan — Irkutsk), HY9822(Irkutsk — Namangan), HY94 (Namangan — Toshkent) reyslari koʻchirildi.
HY670(Novosibirsk — Fargʻona) reysi Toshkentdagi zaxira aerodromga joʻnab ketdi. HY086 reysi (Fargʻona — Toshkent) bekor qilindi.
Shuningdek, Fargʻona aeroportida koʻrishning yomonligi tufayli UTair UT790 (Fargʻona — Moskva) aviakompaniyasining parvozini keyinga qoldirishga sabab boʻldi. Yoʻlovchilari boʻlgan samolyot mahalliy vaqt bilan soat 21:30 da joʻnab ketadi.
Parvozlar jadvalidagi oʻzgarishlar haqida batafsil maʼlumot aviatashuvchilardan olishingiz mumkin, deya xabar bermoqda Uzbekistan Airways.
