Kuni kecha Jizzax musiqali va drama teatrida O'zbekiston davlat filarmoniyasi hududiy bo'linmalari o'rtasida 3-Respublika ko'rik-tanlovi o'tkazildi.

Ikki kun davomida ishtirokchi ijodiy jamoalarning chiqishlari tajribali hakamlar hay'ati tomonidan baholab borildi.

- Kuzatuvlarimga asoslanib ayta olamanki, ijodiy jamoalar puxta tayyorlanishgan. Shu boisdan ko'rik-tanlov murosasiz va qizg'in kechdi. Tabiiyki, bu hakamlar hay'atiga qiyinchilik tug'dirishi bilan birga, katta mas'uliyat yukladi, - deydi Madaniyat vaziri Ozodbek Nazarbekov.

Yakuniy xulosaga ko'ra, Namangan viloyati filarmoniyasi ijodiy jamoasi birinchilikni qo'lga kiritdi. Farg'onaliklar ikkinchi, Jizzax viloyati jamoasi 3-o'ringa hamda faol qatnashgan jamoalar turli nominatsiyalarga munosib ko'rildi.