Bu haqda BFMTV telekanali Yelisey saroyi bayonotiga tayanib xabar berdi.
“Respublika Prezidenti Sebastyen Lekornyuni bosh vazir etib tayinladi va unga hukumatni shakllantirish vazifasini topshirdi”, deyiladi boshqa tafsilotlar keltirilmagan qisqa bayonotda.
Iste'foga chiqqanidan so'ng “missiyasi tugallangani” va Bosh vazir lavozimiga qaytmasligini e'lon qilgan Lekornyuning o'zi Xdagi sahifasida bu tayinlanishni tezda tasdiqladi. Siyosatchi yil oxirigacha byudjet loyihasini ishlab chiqish va “fransuzlarni g'azablantirayotgan” va “Fransiya obro'siga putur yetkazuvchi” siyosiy inqirozga barham berish maqsadida davlat rahbarining taklifini “burch tuyg'usi tufayli” qabul qilganini ma'lum qildi. “Men bu missiya muvaffaqiyatli bo'lishini ta'minlash uchun barcha ishni qilaman, deb yozdi u.
Qayta tayinlangan Bosh vazir o'z vazifasini faqat ma'lum shartlarda bajarishi mumkinligi haqida ogohlantirdi, deb xabar berdi report.az.
Buning uchun, birinchi navbatda, so'nggi kunlarda partiya yetakchilari bilan o'tkazilgan maslahatlashuvlarda ko'tarilgan barcha masalalarni parlamentga kiritish talab etiladi. U byudjet balansini tiklashni o'zining ikkinchi ustuvor yo'nalishi deb atadi va “hech kim bu imperativdan qochib qutula olmaydi” deb ta'kidladi. Nihoyat, Lekornyu u yaqinda tuzadigan yangi Vazirlar Mahkamasi “yangilanish va vakolatlar xilma-xilligini o'zida mujassamlashtirishi kerak” degan umidda.
