Uning samaradorligi COVID-19 ga qarshi sinovdan oʻtkazildi, biroq kelajakda bunday molekulyar mashinalar boshqa viruslarni ham aniqlash uchun moslashtirilishi mumkin.
Mutaxassislarning taʼkidlashicha, ishlanma klinik amaliyotda foydali boʻlishi mumkin. Biroq PSR infeksiyalarni aniqlashning samarali usuli boʻlib qolmoqda.
Inson koʻziga koʻrinmaydigan robot tarkibida 215 ta nukleotid (DNK va RNKning elementar tuzilma birliklari) mavjud. Shuningdek, unga toʻrtta maxsus “tutqich” bogʻlangan – olimlar ularni “qoʻllar” deb atashadi.
Infeksiya uchun namunani tahlil qilishda unga ushbu DNK tizimi bilan eritma va maxsus modda solinishi kerak. Bu natijani koʻrish imkonini beradi.
Ishlab chiquvchilarning soʻzlariga koʻra, robot namunalarda oz miqdorda boʻlsa ham virusni aniqlay oladi.
“RNK murakkab tuzilishga ega, uni faqat ikkita qoʻl bilan ochish qiyin. COVID-19 ribonuklein kislotalarini aniqlash boʻyicha tajribalarimiz koʻrsatganidek, toʻrtta “qoʻl” bu vazifani ancha aniqroq va tezroq bajaradi. Shu bilan birga, usul qimmatbaho reagentlar va jihozlar va maxsus oʻqitilgan xodimlardan foydalanmasdan xona haroratida ishlaydi”, deb maʼlumot berdi tadqiqotning birinchi muallifi, ITMO kimyo va biologiya klasteri aspiranti Ahmed Eldib “Izvestiya” nashriga.
ITMO maʼlumotlariga koʻra, loyihaning navbatdagi bosqichi ishlab chiqilgan usulni uyda foydalanish uchun moslashtirish, shuningdek, DNK robotlarini nafaqat COVID-19, balki boshqa viruslar va oʻsimta belgilarini aniqlashga oʻrgatishdir.
